अहमदनगर / नगर सह्याद्री :
दिल्लीगेट येथे मुलाला लासला सोडायला गेलेल्या महिलेशी गैरवर्तन झाल्याची घटना शहरात घडली. या प्रकरणी महिलेच्या सासूने कोतवाली पोलीस ठाण्यात फिर्याद दिली आहे. दानीश करीम बागवान असे आरोपीचे नाव आहे.
पीडित महिला शहरात एका परिसरात राहते. ती तिच्या मुलाला १० नोव्हेंबरला सायंकाळी ६ वाजता लासला सोडवण्यासाठी दिल्लीगेट परिसरात गेली होती. परंतु ती घरी येताना अत्यंत भयभीत अवस्थेत आली. तिच्या मागोमाग दानिश हा घरासमोर आला.
ही बाब लक्षात येताच पीडितेच्या सासूने आरोपीस विचारले असता तो तेथून पळून गेला. पीडितेला भयभीत झालेले पाहून सासूने तिला विचारणे केली. तेव्हा पीडितेने दानिश हा माझा पाठलाग करत आला होता.
त्याने माझ्या मनाला लज्जा उत्पन्न होईल असे वर्तन यापूर्वीही केले होते. पण भितीपोटी काही सांगितले नाही असे सांगितले. सासूने त्वरित कोतवाली पोलीस ठाण्यात धाव घेत आरोपीविरुद्ध फिर्याद दिली.
