मुंबई। नगर सहयाद्री
आगामी लोकसभेच्या पाश्ववभूमीवर भाजपा कडून रणनीती अखण्यास सुरवात झाली आहे. आरएसएस आणि भाजपा अ‍ॅक्शन मोडवर आल्याचे चित्र समोर आले आहे. मुंबईमध्ये संघाचे पदाधिकारी आणि भाजप नेत्यांमध्ये आज बैठका सुरु झाली आहे.
मुंबईतील म्हाळगी प्रबोधिनी येथे संघाच्या बैठकीला उपमुख्यमंत्री देवेंद्र फडणवीस स्वतः उपस्थित राहणार असून लोकसभा निवडणुकीच्या पार्श्वभूमीवर बैठकीमध्ये लोकसभा मतदारसंघाची परिस्थिती व महत्वाच्या विषयांवर देखील चर्चा होणार असल्याची माहिती समोर आली आहे.
आगामी लोकसभा निवडणुकीसाठी ही महत्त्वपूर्ण बैठक असणार असल्याचे बोलले जात आहे. सरकारची कामगिरी आणि लोकसभा मतदारसंघाचा आढावाची पदाधिकाऱ्यांकडून घेतला जाणार असून पुढील रणनीती अखण्यास सुरवात होणार आहे.
