अकोले। नगर सहयाद्री-
एक खळबळजनक बातमी समोर आली आहे. संतप्त जमावाने केलेल्या मारहाणीत महिला हत्याकांडातील मुख्य आरोपी असणाऱ्या अण्णा वैद्य यांचा मृत्यु झाल्याची घटना घडली आहे.
मिळालेल्या माहितीनुसार, एका महिला हत्याकांडात अण्णा वैद्य मुख्य आरोपी होता, पुराव्या अभावी त्याची निर्दोश मुक्तता केली होती, मात्र पुन्हा एकदा अण्णा वैद्य एका नव्या प्रकरणाने उजेडात आला.
आरोपी वैद्य याने सुगाव खुर्द येथिल एका अल्पवयीन मुलीला जबर मारहाण करत तिची छेड काढल्याने संतप्त झालेल्या जमावाने त्याला लाथा-बुक्यांनी बेदम मारहाण केली. त्यानंतर जखमी अण्णाला संगमनेर येथील एका रूग्णालयात हलविण्यात आले.
उपचारादरम्यान त्याचा रात्री ९ च्या दरम्यान मृत्यू झाला. या प्रकरणी पोलीसांनी अकस्मात मृत्युची नोंद केली असुन आज होणार्‍या शवविच्छेदनानंतर मृत्युचे कारण स्पष्ट होणार आहे.
