मुंबई। नगर सहयाद्री
प्रसिद्ध असलेले बैलगाडा शर्यत शौकिन आणि बैलगाडा संघटनेचे अध्यक्ष ‘गोल्डमॅन’ पंढरीशेठ फडके यांचं निधन झालं आहे. यामुळे बैलगाडा शर्यत प्रेमींना मोठा धक्का बसला आहे.
आज दुपारच्या सुमारास ऑफिसवरून घरी जाताना कारमध्ये त्यांना हृदयविकाराचा झटका आला. मुळचे पनवेलचे असलेले पंढरीशेठ फडके हे बैलगाडा शर्यत शौकिन म्हणून ओळखले जातात. त्याच्या निधनाने पनवेलमध्ये शोकाकूल वातावरण आहे.
पंढरीनाथ फडके यांना वडिलांमुळे १९८६ सालापासून बैलगाडा शर्यतीची आवड निर्माण झाली होती. बैलगाडा शर्यतीच्या मैदानात त्यांची हटके एन्ट्री असायची गाडीच्या टपावर बसून शर्यत बागायची आणि बैल नजरेत बसला की त्याला विकत घेणारा ‘बैल’ मालक म्हणून पंढरीशेठ प्रसिद्ध होते.
