अहमदनगर। नगर सहयाद्री-
शहरात पुन्हा एक धक्कादायक प्रकार घडल्याचे वृत्त समोर आले आहे. पतीपासून अलिप्त राहणाऱ्या महिलेला बळजबरीने नेऊन तिच्यासोबत अनैसर्गिक कृत्य केल्याची घटना शनिवारी (दि.२४) दुपारी नगर शहरात घडली. याप्रकरणी तोफखाना पोलीस ठाण्यात साहिल खान (रा. मुकुंदनगर) यांच्या विरोधात गुन्हा दाखल करण्यात आला आहे.
सविस्तर वृत्त:फिर्यादी यांची साहिल खान सोबत ओळख होती. फिर्यादी यांचा विवाह पुणे येथील एका मुलासोबत में २०२० मध्ये झाला होता, त्यांच्यात काही दिवसातच वाद झाल्याने फिर्यादी अलिप्त राहत होत्या. त्यांनी पतीविरोधात वेथील भरोसा सेलकडे तक्रार दाखल केली आहे. फिर्यादी शनिवारी सकाळी तारखेसाठी भरोसा सेलमध्ये आल्या होत्या.
दुपारी एक वाजता फिर्यादीचे भरोसा सेलमधील काम संपल्यानंतर निघाल्या असताना साहिल तेथे आला, त्याने फिर्यादीचा हात पकडून, तु मेरी नहीं हुई तो किसी की नहीं होनी चाहीए, मैं तेरेको मार डालूंगा’, असे म्हणत त्याने फिर्यादीला जबरदस्तीने त्याच्या दुचाकीवर बसून भूईकोट किल्ल्याच्या मैदानावर आणि फिर्यादीसोबत गैरवर्तन करत असताना फिर्यादीने विरोध दर्शवला असता त्यांच्यासोबत अनैसर्गिक कृत्य केले असल्याचे फिर्यादीत म्हटले आहे.
