सुपा / नगर सह्याद्री
ग्राहक व्यवहार विभाग, भारत सरकारने या वर्षी पाच लाख टन कांदा खरेदी करनार असल्याची महिती ग्राहक व्यवहार विभागाचे अतिरिक्त सचिव आय. एस. नेगी आणि संचालक सुभाषचंद्र मीना यानी दिल्याने शेतकरी वर्गाने या निर्णयाचे स्वागत केले आहे. ग्राहक व्यवहार विभागाने नाफेड आणि एनसीसीएफ या सरकारी संस्थाना खरेदीसाठी नियुक्त केले आहे.
शनिवारी नाशिक येथे या संदर्भमध्ये एक बैठक पार पडली. या बैठकीनंतर ग्राहक व्यवहार विभागाचे अतिरिक्त सचिव आय.एस नेगी आणि संचालक सुभाष चंद्र मीना नाशिक वरुण अहिल्यादेवीनगर मार्गे पुणेकडे जात असताना पारनेर तालुक्यातील शेतकरी नेते प्रसाद खामकर आणि श्रीगोंदा येथील रियल ऑर्गो फार्मर्स कंपनीचे संचालक संभाजीराव घुटे पाटील यानी अहिल्यादेवीनगर मध्ये या केंद्रिय अधिकारी यांची भेट घेतली. आणि नाशिक नंतर अहिल्यादेवीनगर जिल्ह्यामधील पारनेर, नगर आणि श्रीगोंदा तालुक्यातही चांगल्या प्रतिच्या कांद्याचे उत्पादन घेतले जाते.
म्हणून नाफेड आणि एनसीसीएफच्या माध्यमातुन होनाऱ्या कांदा खरेदीमध्ये पारनेर, नगर आणि श्रीगोंदा तालुक्याला प्राधान्य देण्यात यावे आणि पारनेर आणि श्रीगोंदा मध्ये नाफेड एनसीसीएफचे कांदा खरेदी केंद्र सूरू करावे, तालुक्यातील कांदा उत्पादक शेतकरी याना न्याय द्यावा याबाबत निवेदन ग्राहक व्यवहार विभागाचे अधिकारी यांना दिले.
ग्राहक व्यवहार विभागाचे अतिरिक्त सचिव आय एस नेगी यांनी प्रसाद खामकर यांनी केलेल्या मागणीला अनुकूल प्रतिसाद देत पारनेर आणि श्रीगोंदा येथे पुढील महिन्यात नाफेड आणि एनसीसीएफचे कांदा खरेदी केंद्र सुरू करण्यात येईल असे आश्वासन दिले.
