अहमदनगर । नगर सहयाद्री:-
अहमदनगरमधील घारगाव येथील बस स्थानकाजवळ एका भीषण अपघातात एक महिला ठार झाली आहे. शुक्रवारी दुपारी घडलेल्या या घटनेत रेखा राजेंद्र गायकवाड, वय ४०, राहणार दौंड, यांचा जागीच मृत्यू झाला. बेलवंडी पोलिस ठाण्यात या प्रकरणी फिर्याद दाखल करण्यात आली आहे.
शुक्रवारी दुपारी चार वाजण्याच्या सुमारास रेखा राजेंद्र गायकवाड आपल्या मुलगा रवींद्र राजेंद्र गायकवाड सोबत दुचाकीवरून नगरकडे जात होत्या. घारगाव परिसरात नातेवाईकांचा फोन आला.
त्या त्यांना भेटण्यासाठी घारगाव येथे माघारी येत असताना दुचाकीवरील तोल सुटल्याने रस्त्यावर पडल्या. त्याच वेळी पाठीमागून भरधाव वेगाने येणाऱ्या ढंपरच्या पाठीमागील चाकाखाली आल्याने त्यांचा जागीच मृत्यू झाला.
