अ‍ॅड. अभय आगरकर यांचा इशारा
अहमदनगर | नगर सह्याद्री
राज्यातील महायुती सरकार हे छत्रपती शिवाजी महाराजांच्या विचारावर व त्यांच्या प्रेरणेने काम करत आहे. राजकोट किल्ल्यावर छत्रपती शिवाजी महाराजांचा पुतळा दुर्घटनाग्रस्त होणे हे अत्यंत दुर्दैवी घटना आहे. त्यात सरकारची काहीही चूक नाही. याधीही देशात व राज्यात अनेक अशा घटना घडल्या आहेत. मात्र भाजपाचे त्यावेळी खालच्या दर्जाचे राजकारण केले नाही. त्यामुळे महाविकास आघाडीने त्या घटनेचे राजकारण करणे त्वरित थांबवावे, अन्यथा त्यांना जशास तसे उत्तर दिले जाईल, असा इशारा शहर भाजपा जिल्हाध्यक्ष अ‍ॅड. अभय आगरकर यांनी दिला.
शहर भाजपा युवा मोर्चाच्या वतीने आज सकाळी जुन्या बसस्थानक जवळील छत्रपती शिवाजी महाराजांच्या पुतळ्यास अभिवादन करून महाविकास आघाडी विरोधात घोषणा देत निषेध केला. यावेळी शहर भाजपा जिल्हाध्यक्ष अ‍ॅड.अभय आगरकर, युवा मोर्चाचे अध्यक्ष मयूर बोचूघोळ, शहर सरचिटणीस प्रशांत मुथा आदींसह पदाधिकारी उपस्थित होते. यावेळी महाविकास आघाडीच्या नेत्यांचे फलक झळकवत त्यांच्या विरोधात घोषणा देऊन निषेध करण्यात आला.
यावेळी शहर भाजपचे पदाधिकारी महेश नामदे, राहुल जामगावकर, अजय चितळे, गोपाल वर्मा, कैलास गर्जे, सुनील सकट, अमोल निस्ताने, सुनील तावरे, प्रशांत बुर्‍हाडे, अजित कोतकर, बाबासाहेब सानप, सोमनाथ जाधव, करण कराळे, संजय ढोणे, सुरेश लालबागे, श्याम बोळे, दीपक मगर, सागर शिंदे व बंटी डापसे आदी उपस्थित होते.
