भाळवणी। नगर सहयाद्री
आपल्या महाराष्ट्रीयन पुरुष- महिला नोकरी व्यवसायानिमित्त देशात, परदेशात स्थिरस्थावर झालेले असताना आपले पारंपारिक सण, उत्सव, संस्कृती मोठ्या प्रमाणात जपताना आपण पाहतो. असाच एक उत्साहाचा सण म्हणजे गणेशोत्सव.
या गणेशोत्सवाच्या निमित्ताने महाराष्ट्रीयन जोडप्यांनी चेन्नई येथे पारंपारिक पद्धतीने हा सण मोठ्या उत्साहाने साजरा केला. गोरेगाव (ता. पारनेर, जि. अहमदनगर) येथील इंजि. संदीप पानमंद व सुजाता संदीप पानमंद (कपाळे) यांनी महाराष्ट्रीयन जोडप्यांसह तेथील स्थानिक रहिवास्यांबरोबर मोठ्या उत्साहात साजरा केला.
यावेळी तसेच इतरही महिलांनी गणेशाची पुजा करून आपली भारतीय संस्कृती जपली आहे. त्याचबरोबर रक्षिता, जिनिशा, रिजूल, शाम्भवी, अयांशी आदी बालगोपाळांनीही या उत्सवाचा मनमुराद आनंद लुटला.
