अहमदनगर / नगर सह्याद्री : अहमदनगरच्या बालिकाश्रम रोड परिसरात काही दिवसांपूर्वी ओंकार उर्फ गामा भागानगरे खून प्रकरण झाले होते.
या प्रकरणाने संपूर्ण महाराष्ट्रात खळबळ उडाली होती. या खून प्रकरणातला बबलू सरोदे हा आरोपी फरार झाला होता. आज (दि.२) फरार आरोपी बबलू सरोदे याच्यावर प्राणघातक हल्ला करण्यात आला. हल्लेखोरांनी सरोदे या फरार आरोपीला जबर मारहाण करून जखमी अवस्थेत माळीवाडा परिसरातल्या गणेश हुच्चे याच्या हॉटेलसमोर आणून टाकला.
या हल्ल्याची माहिती समजताच कोतवाली आणि स्थानिक गुन्हे शाखेचे पोलीस घटनास्थळी म्हणजे माळीवाडा परिसरात दाखल झाले. पोलीस हल्लेखोरांचा शोध घेत आहेत.
