श्रीगोंदा / नगर सह्याद्री : शहरातील सिद्धार्थनगर मध्ये नियोजित डॉ. बाबासाहेब आंबेडकर यांचे सांस्कृतिक भवन आहे. या नियोजित सांस्कृतिक भवनमध्ये विद्यार्थ्यांसाठी स्पर्धा परीक्षेच्या तयारीसाठी अभ्यासिका असावी अशी ऑल इंडिया पँथर सेनेने मागणी केली आहे.
तसे निवेदन त्यांनी मुख्याधिकारी प्रमोद ढोरजकर यांना दिले. मागासवर्गीय विद्यार्थ्यांना स्पर्धा परीक्षांसाठी ऑनलाईन अभ्यासक्रमासाठी ई-लायब्ररी उपयुक्त ठरेल. त्यामुळे नमूद ठिकाणी संगणक कक्ष तयार करण्यात यावा,
सांस्कृतिक भवनात स्वच्छता आणि सुरक्षिततासाठी कर्मचारी नियुक्त करावेत अशी मागणीही यावेळी करण्यात आली. यावेळी जिल्हाउपाध्यक्ष अमर घोडके, तालुकाध्यक्ष संजय रनसिंग, उपाध्यक्ष पवन रणदिवे, संघटक अक्षय आठवले, शहराध्यक्ष किरण उजागरे, ऑल इंडिया पँथर सेनेचे पदाधिकारी उपस्थित होते.
