चौकशी दरम्यान धक्कादायक माहिती समोर
Breaking News: राज्यात एनआयएने (NIA) ने मोठी कारवाई केली असल्याचे वृत्त समोर आले आहे. आज पहाटेपासून कारवाई सुरु केलीअसून १० दहशतवाद्यांना ताब्यात घेतले आहे. ठाण्याजवळील पडगा,पुणे आणि इतर ठिकाणी एनआयए आणि एटीएसची छापेमारी सुरू असून चौकशी दरम्यान धक्कादायक माहिती समोर आली आहे.
राष्ट्रीय तपास यंत्रणा (NIA) आणि राज्य दहशतवाद विरोधी पथकाने (ATS) राज्यात संयुक्तपणे मोठी कारवाई राबवली. आज पहाटेपासून ही कारवाई सुरू होती. पुणे, ठाणे, भाईंदर, भिवंडीमध्ये छापेमारी करण्यात आली.
या कारवाईत एनआयएने एटीएसच्या मदतीने १० लोकांना ताब्यात असून ठाण्याजवळील इतर काही ठिकाणी एनआयए आणि एटीएसची छापेमारी सुरू आहे.
चौकशी दरम्यान दहशतवादी देशात अनेक ठिकाणी बॉम्ब ब्लास्ट करण्याच्या तयारीत असल्याची धक्कादायक माहिती समोर आली असून बॉम्ब बाल्स्टचे साहित्यही जप्त केले आहे.
