अहमदनगर । नगर सहयाद्री :-
लोकसभा निवडणुकीनंतर आता विधानसभा निवडणुकीचे वारे वाहू लागले आहे. राज्यात महायुती विरुद्ध महाविकास आघाडी असा सामना रंगणार आहे. दरम्यान अहमदनगरचा राहुरी विधानसभा मतदार संघ पुन्हा एकदा चर्चेत आला आहे. कारणमाजी मंत्री शिवाजी कर्डिले यांनी राहुरी विधानसभेसाठी शड्डू ठोकला आहे.
काही दिवसांपूर्वी भाजपचे माजी खासदार सुजय विखे पाटीयांनी राहुरी विधानसभा मतदारसंघातून निवडणूक लढवण्याचे संकेत दिले होते. त्यामुळे शिवाजी कर्डिले हे राहुरी ऐवजी श्रीगोंद्यातून निवडणूक लढवतील असं वाटत असताना आता शिवाजी कर्डिले यांनी आपण राहुरीतुनच निवडणूक लढवणार हे स्पष्ट केले आहे. 2019 मध्ये राहुरी विधानसभा मतदारसंघात शिवाजी कर्डिले यांचा राष्ट्रवादीचे प्राजक्त तनपुरे यांनी पराभव केला होता.
आता या पराभवाचा वचपा काढण्यासाठी शिवाजी कर्डीले हे सज्ज झाले असून राहुरी विधानसभा मतदारसंघातील जनतेनेच मला राहुरीतून निवडणूक लढवण्याचा आग्रह धरला असल्याचं शिवाजी कर्डिले यांनी म्हटले आहे. त्यामुळे भाजप नेते शिवाजी कर्डिले विरुद्ध राष्ट्रवादीचे आमदार प्राजक्त तनपुरे यांच्यात लढत होणार असल्याचे जवळपास निश्चित झाले आहे.