श्रीगोंदा । नगर सहयाद्री:-
राज्यपातळीवरील अनेक नेते मी विधानसभा निवडणूक लढवावी, या दृष्टीने सकारात्मक आहेत. श्रीगोंदा विधानसभा मतदार संघातील सर्व गावांमधून मला उस्फूर्त पाठिंबा आहे. श्रीगोंदा तालुयातील सर्वच नेत्यांना आजपर्यंत मी अनेक निवडूणकांत मदत केली असल्याने त्याची परतफेड या नेत्यांनी करावी. मी विधानसभा निवडणूक कोणत्याही परिस्थितीत सर्व ताकदीनिशी लढविणार असल्याची घोषणा अहमदनगर जिल्हा परिषदेचे माजी उपाध्यक्ष अण्णासाहेब शेलार यांनी पत्रकार परिषदेत केली.
आगामी दोन महिन्यात विधानसभा निवडणुकीचा बिगुल वाजणार आहे. नगर जिल्ह्यात सर्वाधिक चुरस श्रीर्गोंदा विधानसभा मतदार संघात दिसून येते. विधानसभा निवडणूकीत अण्णासाहेब शेलार यांनी उडी घेतल्यामुळे श्रीगोंदा विधानसभा मतदार संघाचे राजकीय समिकरणे बदलणार आहेत. श्रीगोंदा तालुयाचे आराध्य दैवत संत शेख महंमद महाराज यांची पुजा करुन अण्णासाहेब शेलार यांनी पत्रकार परिषद घेतली.
यावेळी अण्णासाहेब शेलार पुढे म्हणाले, मी माझ्या राजकीय जीवनातली शेवटची निवडणूक लढविणार आहे. विजयी झालो तरी पुढील विधानसभा निवडणूकीत मी दुसर्‍याला संधी देणार आहे. पराजित झालो तरी ही पून्हा कोणतीच निवडणूक आयुष्यात लढविणार नसल्याचे त्यांनी सांगितले. साजन पाचपुते, बाळासाहेब नाहाटा व दतात्रय पानसरे माझे खास मित्र आहेत. आगामी विधानसभा निवडणुकीत या दोन्ही मित्रांनी मला मदत केली तर त्यांचे भविष्य उज्वल करण्यासाठी आपण प्रयत्न करु, असेही शेलार पत्रकार परिषदेत म्हणाले.
आपण तडजोडीतील उमेदवार असू असा अपप्रचार भविष्यात होऊ शकतो. मात्र श्रीगोंदा नगर विधानसभा मतदार संघातील आम जनतेला आठवण करून देवू इच्छितो की मी आ. पाचपुते यांचा कार्यकर्ता असताना २००९ साली बंड करून अपक्ष उमेदवारी केली. उमेदवारी मागे घेण्यासाठी त्यावेळी मला अनेक प्रलोभणे दाखविली. मात्र मी निवडणुकीवर ठाम होतो. ती निवडणूक लढवून दाखविली. यावेळी मीनिवडणूक लढविणार आहे या मतावर ठाम असून या निवडणुकीची सर्व तयारी भी पूर्ण केली असल्याचा विश्वास शेलार यांनी व्यक्त केला.
…अपक्ष उमेदवारी करणार
राज्यातील नेते माझ्या उमेदवारीविषयी सकारात्मक राष्ट्रीय तसेच राज्यपातळी वरील नेते माझ्या अनेक महिन्यापासून संपर्कात आहेत. श्रीर्गादा विधानसभा निवडणुकीत मी उमेदवारी करावी म्हणून आग्रही आहेत. कोणत्या पक्षाकडून उमेदवारी करायची. याबाबत मी चाचपणी करत असून त्याचा तिढा ही लवकर सुटेल. पक्षपातळीवर उमेदवारीचा तिढा सुटला नाहीतर मात्र मी अपक्ष विधानसभेची उमेदवारी करण्यावर ठाम आहे.
